Promini USB-C 充電好拍檔,送禮自用一流

蛋糕想說的是:

近年轉用配備 USB-C 接口嘅 Android 新手機,最大嘅煩惱莫過於搵條實淨又充電快嘅 USB-C 線,同埋一個可以用 USB-C 接口充電嘅尿袋,今次推介嘅 Promini 產品就咁啱符合呢兩個要求,最緊要係靚靚仔仔又耐用!

今年蛋糕都介紹過唔少次 Promini 呢個品牌,佢哋最新嘅充電器、尿袋同USB 線,唔少都有詳細講過。而今次PR 送嚟嘅產品,一件就好方便,一件就好堅揪!

Promini C8 流動電源

時尚型格兼有 USB-C 雙向充電

今次 Promini C8 嘅設計都幾特別,用咗菱格暗花嘅鋼琴烤漆外殼,仲有條皮製掛帶,走時尚型格路線嘅 Promini 算係幾「破格」!而佢個尺吋(12.7 x 6.6 cm)其實同部 iPhone 5s 差唔多,加上孤邊 1.1 cm 厚度,平時袋喺褲袋出街又幾方便!內置嘅 8,000 mAh 鋰聚合物電池,就算打機都至少可以捱到一日多啲啲。

而重點係,佢有個雙向充電嘅 USB-C 插口,輸入 2A 而輸出係 2.1A,話快就唔係好快,但如果叉 iPhone 嘅話都綽綽有餘!

隨流動電源附送一條 USB-C 線,質素 OK 但如果送下面介紹嗰條就好啦!

顏色:曜石黑、陶瓷白

建議零售價:HK$248

ProMini USB-C 銅製數據傳輸線

線材尼龍包網,8 core 配線構造,效能超卓

Promini 嘅 USB 充電 + 數據傳輸線一向出名 CP 值高,換句話講就係大件夾抵食,而今次(終於肯)出嘅係 USB-C 線,線芯用 4N 99.99% 純銅製作,再喺表面鍍上錫,而且外層有 4層絕緣,充電線芯就用 20AWG 銅造,支援標準 USB3.1 Gen1 制式,最高速度 5Gbps!

而線材外層以黑金色編織 PET 尼龍包網,確實好硬淨!同其他普通一層膠嘅線材比較,最大分別在於 Promini 比較硬,好處當然係外層唔易受磨擦同扭曲而損壞,但因為外層都有一定厚度,便攜性略略有點弱。但又好坦白,襟用都係緊要啲!

▲ 24K金鍍金接頭,抗鏽耐用

建議零售價:HK$108(18cm) , HK$118(100cm) 及 HK$178(18cm及100cm)

(Visited 123 times, 1 visits today)